ഭുവി ഇന്ത്യൻ ക്യാപ്റ്റൻ; ഹോങ്കോങ്ക് സിക്സസ് ടൂർണമെന്റിലേക്കുള്ള ടീമിനെ പ്രഖ്യാപിച്ചു

ഹോങ്കോങ് സിക്സസ് ടൂർണമെന്റിനുള്ള ഇന്ത്യൻ ടീമിനെ വെറ്ററൻ പേസർ ഭുവനേശ്വർ കുമാർ നയിക്കും. ഒക്ടോബർ 30 മുതൽ നവംബർ ഒന്ന് വരെയാണ് ടൂർണമെന്റ്.

ഭുവനേശ്വർ കുമാർ അടക്കം ഐപിഎല്ലിലെ താരനിരയുമാണ് ഇന്ത്യ ഇറങ്ങുന്നത്. ടൂർണമെന്റിൽ 6 ഓവർ വീതമാണ് രണ്ട് ടീമുകളും കളിക്കുക. 6 താരങ്ങളായിരിക്കും ഒരു ടീമിൽ. ഫൈനൽ പോരാട്ടം മാത്രം 8 ഓവർ കളിക്കും. എട്ട് മുൻനിര ക്രിക്കറ്റ് രാജ്യങ്ങളും നാല് അസോസിയേറ്റ് അം​ഗങ്ങളും ഉൾപ്പെടെ ടൂർണമെന്റിൽ 12 ടീമുകളാണ് മുഖാമുഖം വരുന്നത്.

ക്രുണാൽ പാണ്ഡ്യ, ശശാങ്ക് സിങ്, രാ​ഹുൽ തേവാടിയ, നിതീഷ് റാണ, രാഹുൽ ത്രിപാഠി, ടി നടരാജൻ എന്നിവരാണ് ടീമിലെ മറ്റ് അം​ഗങ്ങൾ.

കഴിഞ്ഞ വർഷം ആദ്യ മത്സരത്തിൽ ഇന്ത്യ 2 റൺസിന്റെ നാടകീയ വിജയം സ്വന്തമാക്കി. എന്നാൽ പിന്നീട് ആ മികവ് തുടരാനായില്ല. മറ്റ് ടീമുകളോട് തോറ്റ് ഇന്ത്യ ടൂർണമെന്റിൽ നിന്നു പുറത്തായി. ഇത്തവണ മികച്ച മുന്നേറ്റമാണ് ടീം പ്രതീക്ഷിക്കുന്നത്. നിലവിലെ ചാംപ്യൻമാർ പാകിസ്താനാണ്.

content highlights: